Dita 18. Kumharët në Indi (koom-HAR)

Kumharët janë të lidhur me kulturën e lashtë indiane të krijimit të idhujve prej balte, veprave të artit dhe qeramikës për përdorim të përditshëm. Emri i tyre në sanskritisht do të thotë “poçepunues”, ndërsa disa përdorin emrin e hyjnisë suprem krijues hinduist, Vishvakarma. Ata njihen si punëtorë të zotë dhe janë një kastë e gjerë e shudrës që përfshin shumë klane. Ata klasifikohen si kastë e ulët edhe pse disa i konsiderojnë si të kastës dalite.

Kumharët janë më të devotshëm në besim se indianët e tjerë dhe gjithashtu njihen si të dashur dhe të ndershëm. Ashtu si shumica e indianëve, kumharët janë kryesisht hinduistë dhe adhurojnë shivën përveç shumë hyjnive më të vogla, edhe pse ndër ta ka edhe sikh që flasin punxhabi.

Ulja e kërkesës për enë balte e ka bërë bërë më të vështirë punën e kumharëve për të fituar para dhe për të mbijetuar. Nëse nuk gjejnë punë ata varen nga puna e krijimit të idhujve prej balte që është një punë sezonale. Arsimi është i kufizuar për kumharët meqë shumë prej tyre jetojnë si nomadë. Fëmijët shpesh e lënë shkollën pas disa vitesh për të ndihmuar prindërit në fitimin e bukës së gojës. Përveç kësaj, kumharët shpesh nuk kanë ujë të pijshëm dhe kujdes shëndetësor.

Lutje për familjet e kumharëve:

O Zot, dërgo punëtorë të mbushur me Frymën e Shenjtë që do t’i duan kumharët do tu shfaqin që Jezusi është poçari më i mirë që me dashuri i projekton dhe u jep formë jetëve tona. Zbuloja Fuqinë Tënde që është më e fuqishme se idhujt e bërë nga dora e njeriut. Sill shërim, shëndet dhe mirëqënie tek familjet e tyre.

Zot bekoji Shkrimet e Tua të Shenjta në gjuhën e zemrës së kumharëve. Dërgoje Fjalën Tënde në shtëpitë e tyre përmes historive që të krishterët ndajnë ose programeve audio. Dërgo mësues të krishterë që mund t’i ndihmojnë të mësojnë shkrim dhe lexim që të lexojnë Biblën.

Zot, të lutemi shëroji, fali dhe qëndroju pranë kumharëve. Jepu shpresë atyre dhe fëmijëve të tyre. Ngri familje të tëra kumhare që të të adhurojnë Ty si të Vetmin krijues dhe ta përhapin Lajmin e Mirë të dashurisë dhe hirit tënd më sa më shumë familje.

Bekimi i Jezusit mbi kumharët: sepse Perëndia që tha: “Le të ndriçojë drita në errësirë“, është i njëjti që shkëlqeu në zemrat tona për t`na ndriçuar në njohurinë e lavdisë së Perëndisë, në fytyrën e Jezu Krishtit. Dhe ne e kemi këtë thesar në enë prej balte që epërsia pashoqe e kësaj fuqie të jetë nga Perëndia dhe jo nga ne. (2 Kor. 4:6-7)