Dita 15. Populli Xhaat në Indi (JAHT)

Ashtu si myslimanët xhaatë të Pakistanit, xhaatët hindu të Indisë njihen në histori si luftëtarë trima. Ata janë njihen për karakterin kryengritës, vlerësojnë respektin dhe janë të paepur në rezistencën kundër çdo force të huaj që i trajton padrejtësisht. Historikisht janë marrë me bujqësi dhe kanë qenë barinj nomadë. Konsiderohen gjithashtu si banorët autoktonë të rajonit të Punxhabit, edhe pse në atë kohë nuk kishin identitet të përcaktuar fetar por e merrnin atë nga sunduesit lokalë. Xhaatët hindu aderojnë në praktikat tradicionale hunduiste si dhe në një sërë besimesh dhe praktikash të tjera.

Shumica e popullit xhaat në Indi është hindu, edhe pse ata që jetojnë në rajonin e Punxhabit kanë shumë myslimanë (në Pakistan) dhe sikh (në Indi). Ata janë punëtorë të zotë me pasion dhe aftësi për të sunduar. Shumë prej sportistëve më të suksesshëm në Indi janë xhaatë (prej kësaj vjen dhe shprehja, “xhaatët janë njësha!”). Një numër i madh xhaatësh gjithashtu shërbejnë në ushtrinë Indiane. Në dekadat e fundit xhaatët e disa prej shteteve veriore kanë kërkuar të konsiderohen si kasta të ulëta në mënyrë që të përfitojnë prej programeve qeveritare të mbështetjes sociale.

Lutje për familjet e xhaatëve:

O Zot i të korrave, dërgo punëtorët e Tu në mes të komuniteteve xhaate që t’i jetojnë mësimet e Jezusit.  Sill një lëvizje të fortë të kthimit të komuniteteve të ndryshme fetare xhaate tek Krishti.

Zot, bekoji Shkrimet e Tua (në gjuhën hindi) që të ndahen në familjet xhaate dhe kudo ata gjenden në jetën e përditshme. Zot, ngri luftëtarë xhaatë të cilët të luftojnë me shpatën e së Vërtetës dhe të shërbejnë me zemrën e Jezusit.

Zot, dërgo vizione dhe mrekulli që të thyejnë pushtetet e liga kështu që komunitetet të njohin pasurinë e shërimit, faljes, dhembshurisë dhe varësisë tek Ti për çdo nevojë.

Lutja e Shenjtë e Perëndisë për xhaatët: ‘Unë do të të kremtoj me gjithë zemër, përpara perëndive do të këndoj lavdet e tua. Do të adhuroj i kthyer ngas tempulli yt i shenjtëdhe do të kremtoj emrin tënd për mirësinë tënde dhe vërtetësinë tënde, sepse ti ke përlëvduar fjalën tënde dhe emrin tënd përmbi çdo gjë tjetër. (Psalmi 138:1-2)